Details
திருஅல்லிக்கேணியும் ஸ்ரீபார்த்தஸாரதி ஸ்வாமியும். திரிந்துழஞ்சிந்தைதனைச் செவ்வே நிறுத்திப் புரிந்து புகன்மின் புகன்றல் - மருந்தாம் கருவல்லிக்கேணி யாமாக்கதிக்குக் கண்ணன் திருவல்லிக்கேணி யான்சீர் - பிள்ளை பெருமாளய்யங்கார் - நூற்றெட்டுத் திருப்பதி அந்தாதி திருஅல்லிக்கேணி என்றும் தற்காலம் திருவல்லிக்கேணி என்று வழங்கப்பட்டும் வரும் ஸ்தலத்திற்கு ஸ்ரீ ப்ருந்தாரண்ய க்ஷேத்ரம்- அதாவது துளஸிவனம், என வட மொழியில் பெயர். இந்த திவ்ய தேசம் தற்காலம் சென்னை நகரின் ஒரு பகுதியாக விளங்குகிறது. இது ஆழ்வார்களால் மங்களாஸாஸனம் செய்யப்பெற்ற நூற்றெட்டுத் திருப்பதிகளுள் ஒன்றாகி, பேயாழ்வார், திருமழிசையாழ்வார், திருமங்கைமன்னன் ஆகிய மூவர்கள் பன்னிரண்டு பாசுரங்களால் சிறப்பிக்கப்பட்ட திருத்தலம் ஆகும். இந்த திருக்கோயில், சென்னை சென்டரல் ரயில் நிலையத்திற்கும், எழும்பூர் ரயில் நிலையத்திற்கும், தென்கிழக்கில் சுமார் இரண்டு மைல் தூரத்தில் மெரீனா கடற்கரைக்கு அருகாமையில்...
